စာရေး တတ်အောင် ဘာလုပ်ရမလဲ

“စာရေးချင် လိုက်တာ” “စာရေး တတ်အောင် ဘာလုပ်ရမလဲ " ဆိုတဲ့ မေးခွန်းကို စာရေးချင်တဲ့သူ တော်တော် များများ မေးတတ် ကြပါတယ်။ ကျွန်တော်နဲ့ ခင်မင် ရင်းနှီးတဲ့ အမျိုးသမီး အဆိုကျော်ကြီး တစ်ယောက် ဆိုရင် “ကျွန်မ ရင်ထဲမှာ ပရိသတ်ကို ပြောပြ ချင်တာတွေ ပြည့်နေတာပဲ၊ စာမရေးတတ်လို့ ရေးတတ်ရင် ကျွန်မ ချရေးဖြစ်တာ ကြာပြီ ” လို့ ပြောတယ်။ သူက စကားပြောလည်း ကောင်းတယ်။ သူ ပြောချင်တာ တစ်ခုကို စီကာ ပတ်ကုံး ပြောတတ်တယ်။ ဒါပေမယ့် ချရေးဖို့ ၀န်လေးနေတယ်။ အဲဒီလို လူမျိုးတွေ အတွက် ရည်ရွယ်ပြီး စာရေးဆရာမ “ဂျင်နီသော်(မ) ဆင် ” ရဲ့ Before You Begin To Write ဆောင်းပါး ဖော်ပြပေးလိုက်ပါတယ်။

 

ဆရာမ ဂျင်နီက ပထမတုန်းကတော့ ဈေးကွက် သုတေသန ဆောင်းပါးတွေ ရေးသူပါ။ ခုတော့ ဆောင်းပါး မျိုးစုံကို အချိန်ပြည့် ရေးသားနေပါပြီ။ ဆရာမရဲ့ ဆောင်းပါးတွေကို Travel Life, Complete Woman, The State: Down Home in North Carolina တို့မှာ စဉ်ဆက် မပြတ် ဖော်ပြနေကြပြီး Mordern Bride ဆိုတဲ့ စာအုပ်ကိုလည်း တွဲဖက် ရေးသားခဲ့သူ ဖြစ်ပါတယ်။
စာကောင်းကောင်း ရေးတတ်ဖို့၊ စာလုံးတွေကို ၀ါကျကောင်းကောင်း ဖြစ်အောင် စီတတ်ဖို့၊ ၀ါကျတွေကို စာပိုဒ် ဖြစ်အောင် ဖန်တီးဖို့ အတွက် လက်တွေ့ စာချမရေးခင်မှာ လေ့လာ ဆည်းပူးစရာတွေ အများကြီး ရှိပါတယ်။ ဒါမှသာ ကိုယ်ရေးတဲ့ ဆောင်းပါး (သို့မဟုတ်) ၀တ္ထုဟာ စာဖတ်သူရဲ့ နှလုံးသားမှာ ပျော်ဝင်သွားနိုင်မှာ ဖြစ်ပါတယ်။ စာကောင်း တစ်ပုဒ် ဖန်တီးနိုင်ဖို့ အတွက် အခြေခံကျတဲ့ အချက်ကတော့ စာမူကြမ်း ရေးခြင်းပါပဲ။ စာမူကြမ်းရေး နေစဉ်မှာ ကိုယ်က ကိုယ်ရေးမယ့် အကြောင်းအရာကို လေ့လာရမယ်။ သုံးသပ်ရမယ်၊ အကြမ်းထည်ကနေ အချောထည် ဖစ်လာရအောင် ကိုယ်လိုချင်တဲ့ ရှုထောင့် ပုံစံကို ရောက်လာအောင် ပုံသွင်း သွားနိုင်ရမယ်။ အောက်မှာ ဖော်ပြထားတဲ့ အချက်အလက်တွေကို လက်ကိုင် ထားပြီး စာမူကြမ်းကို ဖန်တီးမယ်ဆိုရင် အချိန်ကုန် သက်သာပြီး စာလည်း ပိုပြီး ညက်ညော သွားပါလိမ့်မယ်။
စိတ်ကူးကို တိုးတက်ရှင်သန်စေခြင်း
စူးရှထက်မြက်တဲ့ စိတ်ကူးစိတ်သန်း၊ ထိရောက်တဲ့ စာတစ်ပုဒ် ဆိုတာ လူတွေ ပြောနေကြတဲ့အထဲကပဲ ပေါက်ဖွား လာတာပါ။ ဒီတော့ လူတွေ ဘာပြောနေကြသလဲ၊သူတို့ ပြဿနာတွေက ဘာတွေလဲဆိုတာကို ကိုယ်က နားထောင်တတ်တဲ့ အကျင့် ရှိအောင် အရင်ဆုံး လေ့ကျင့်ပါ။ အဲဒီလို အလေ့အကျင့် ရသွားခြင်းအားဖြင့် ဆောင်းပါးကောင်း၊ ၀တ္ထုကောင်းတွေကို ဖန်တီးနိုင်ဖို့ ကုန်ကြမ်းတွေ ရလာပါလိမ့်မယ်။

တစ်နေ့လယ်ခင်းမှာ ကျွန်မမိတ်ဆွေ အမျိုးသမီး တစ်ယောက်နဲ့ စကားပြောရင်း သူက သူ့ မိတ်ဆွေ အမျိုးသမီး တစ်ယောက်ဟာ အကျင့်ဆိုး ရှိတဲ့ အမျိုး သားတစ်ယောက်နဲ့ ပတ်သက်နေတဲ့ အကြောင်းပြောရင်း “ကျွန်မက မာစီယာကို သူ့အမျိုးသားနဲ့ ပတ်သက်ပြီး ကျွန်မအမြင်ကို ပြောချင်ပေမယ့် မိတ် ပျက်သွားမှာ စိုးတော့ ဘယ်လို ပြောရမလဲ ”လို့ မေးလာတယ်။ ဒီမေးခွန်း တစ်ခုက ကျွန်မအတွက် စိတ်ကူးမျိုးစေ့ တစ်ခု ရသွားခဲ့ပါတယ်။ နောက်တစ် ရက်လောက် ကြာတော့ ဒီမေးခွန်းနဲ့ ပတ်သက်ပြီး ကျွန်မ ဆောင်းပါးတစ်ပုဒ် ရေးတော့မယ် ဆိုတာ စိတ်ထဲမှာ သေချာ သွားတယ်။ အဲဒီစိတ်ကူးကနေ “When You Hate Your Best Friend's Man “အရင်းနှီးဆုံး သူငယ်ချင်း၏ အမျိုးသားကို မုန်းတဲ့အခါ ”ဆိုတဲ့ ဆောင်းပါး ဖြစ်လာခဲ့တယ်။ ဒီဆောင်းပါး ရေးဖို့ အတွက် “ဘာလဲ ” ဆိုတဲ့ မေးခွန်းနဲ့ စ တယ်။ (စာတစ်ပုဒ်ရေးမယ်ဆိုရင် “ဘ ” ငါးလုံးကို သတိရပါ။ ဘယ်သူလဲ၊ ဘယ်မှာလဲ၊ ဘာလဲ၊ ဘယ်တုန်းကလဲနဲ့ ဘာဖြစ်လို့လဲ ဆိုတဲ့ မေးခွန်းတွေ ကိုယ့်ရင်ထဲမှာ ထည့်ထားပါ။) အဲဒီ ဆောင်းပါးရေးဖို့ အတွက် ကျွန်မ အရင်ဆုံး မေးတဲ့ မေးခွန်းက “မိန်းမတစ်ယောက်က သူ့သူငယ်ချင်းရဲ့ ရည်းစားကို မုန်းတယ် ဆိုတာ ဘယ်လို ကိစ္စမျိုးတွေမှာ ဖြစ်တတ်သလဲ ”ဆိုတဲ့ မေးခွန်းပါပဲ။
“ဘာလဲ ”ဆိုတဲ့ မေးခွန်းက ကိစ္စ တော်တော်များများမှာ ထိရောက်တဲ့ မေးခွန်းဖြစ်တဲ့ အတွက် ဆောင်းပါး (သို့ မဟုတ်) ၀တ္ထုရေးတော့မယ် ဆိုရင် ဒီ မေးခွန်းနဲ့ စတာက ပိုပြီး အံဝင်ခွင်ကျ ဖြစ်တတ်ပါတယ်။ ဒီမေးခွန်းဟာ စပ်စုတဲ့ မေးခွန်း၊ လေ့လာတဲ့ မေးခွန်း၊ စိတ်ဝင်စားတဲ့ မေးခွန်းပဲ မဟုတ်လား။ ဒီမေးခွန်းနဲ့ စကြည့်ပါ။ ကျွန်မ ကိုယ်တိုင် အဲဒီ ဆောင်းပါး မရေးခင်မှာ တကယ့် မိတ်ဆွေ (သက်ရှိ)တွေကို လူကိုယ်တိုင် မေးကြည့်ပါတယ်။ အောက်မှာ ဖော်ပြထားတဲ့ အချက်အလက်တွေက ကျွန်မ သူလို ကိုယ်လို လူမျိုးတွေကို မေးခဲ့ရာက ထွက်လာတဲ့ အဖြေတွေပါ။
(၁) ထွက်လာတဲ့ အဖြေဟာ ပြဿနာကို ပြီးပြေစေမယ့် အဖြေ ဖြစ်ချင်မှ ဖြစ်မယ်။ ထိပ်တိုက် ရင်ဆိုင် တွေ့ရတဲ့ အဖြေမျိုးလည်း ဖြစ်ချင် ဖြစ်မယ်။ ကိုယ့်သူငယ်ချင်းရဲ့ ရည်းစားကို ကိုယ်က ဘာကြောင့် မုန်းရတာလဲ။ မဆီမဆိုင်လို့တော့ ပြောချင် ပြောလိမ့်မယ်။ ဒါပေမယ့် ကျွန်မက ဖြစ်နိုင်ခြေ တချို့ကို စာရင်း လုပ်ကြည့်လိုက်တယ်။ တကယ်ပဲ ကျွန်မထင်တဲ့ အတိုင်း ဖြစ် လာတာကို တွေ့ရတယ်။

(၂) ကိုယ့်ဘက်က လိုက်လျောညီ ထွေ ရှိတတ်ရမယ်။ လူတစ်ယောက်ကို ကိုယ်က အင်တာဗျူး သဘောမျိုး မေးရမှာ။ ဒီအခါ ကိုယ်မေးတဲ့ အမေးကို အမေးခံရတဲ့ သူက တိတိကျကျ ဖြေတတ်လိမ့်မယ်လို့ မျှော်လင့် မထားနဲ့။ ဘာကြောင့်လဲ ဆိုတော့ ကိုယ်မေးတဲ့ ကိစ္စမျိုး အမေးခံရတဲ့ သူမှာ အတွေ့အကြုံ ရှိချင်မှ ရှိမှာပေါ့။ ဒီတော့ ကိုယ်မေးမယ့် မေးခွန်းဟာ လူအများစု တွေ့ကြုံရတတ်တဲ့ ကိစ္စမျိုးဖြစ်ရမယ်။ အဖြေတွေ စုစည်းပြီးတော့မှ ကိုယ်က ဘယ်အချက်အလက်ပေါ် အခြေခံမယ်ဆိုတာ ဆုံးဖြတ်ရလိမ့်မယ်။
(၃) စကားပြောဖို့၊ မေးခွန်း မေးဖို့ မကြောက်နဲ့။ နေ့စဉ် ကြုံတွေ့နေကျ ကိုယ့်ပတ်ဝန်းကျင်က လူတွေဆီမှာ ကိုယ်သိချင်တာနဲ့ ပတ်သက်ပြီး သဲလွန် စပေးနိုင်တဲ့ အတွေ့အကြုံတွေ အများကြီး ရှိနိုင်ပါတယ်။
ကျွန်မ ဆောင်းပါး အတွက် လူပုဂ္ဂိုလ် ရိုးရိုးတွေကို မေးပြီးတဲ့နောက် ကျွန်မက စိတ်ပညာရှင် တချို့၊ စာရေး ဆရာ တချို့နဲ့ တွေ့ပြီး မေးပြန်ပါတယ်။ ဒီလို ဆွေးနွေးကြည့်လိုက်တဲ့ အခါ ကျွန်မ သာမန် လူတွေဆီက ရထားတဲ့ အဖြေတွေဟာ စိတ်ရောဂါရနေတဲ့ သူတွေရဲ့ အဖြေမျိုး မဟုတ်မှန်း သိလာရပါတယ်။ စိတ်ပညာရှင်ကို မေးတဲ့အခါ ကျွန်မက ကျွန်မ ရေးမယ့် ဆောင်းပါးရဲ့ အခြေခံ အချက်အလက်ကိုပဲ မေးတယ်။ ကိုယ့် သူငယ်ချင်းရဲ့ ရည်းစားကို မုန်းတဲ့သူမျိုး သူ တွေ့ဖူးသလား၊ ဒီလို မုန်းခြင်းဟာ စိတ်ရောဂါကြောင့်လား စတဲ့ မေးခွန်းတွေ မေးတယ်။ စိတ်ပညာရှင်က သူကြုံတွေ့ဖူးတဲ့ လူနာတွေ အကြောင်း၊ သူတို့ နောက်ခံ သမိုင်းတွေနဲ့ ပြောပြတယ်။ သာမန် လူတွေမှာ ဖြစ်တတ်တဲ့ စိတ်ထားမျိုးပါပဲ။
စာရေးဆရာဆိုတာက လူ့ဘ၀ကို အမြဲတမ်း လေ့လာ သုံးသပ်နေတဲ့ လူမျိုးပါ။ ကိုယ်က သူ့ကို နည်းနည်းလေး စပ်စုကြည့်လိုက်ရင် သူ့ဘက်က အဖြေတွေ ထွက်လာနိုင်ပါတယ်။ သူနဲ့ ဆွေးနွေးကြည့်လိုက်ရင် ကိုယ်ယူဆထားတာတောင် ပြောင်းပြန် ဖြစ်သွားနိုင်တဲ့ အခြေ အနေမျိုး ကြုံချင် ကြုံရမှာပါ။ ဒီတော့ ကိုယ်နဲ့ နီးစပ်ရာ စာရေးဆရာနဲ့ ဆွေးနွေးကြည့်ပါ။ သူ့စကား တစ်ခွန်းဟာ ကိုယ့်အတွက် အထောက်အကူ ရစေနိုင်ပါတယ်။
(၄) စာဖတ်ပါ။ ကိုယ်ရေးမယ့် စာက ၀တ္ထုမဟုတ်ဘဲ အကြောင်းအရာ တစ်ခုကို ဦးတည် ရေးတော့မယ်ဆိုရင် အလားတူ အကြောင်းအမျိုး ရှေ့က ရေးခဲ့ကြတဲ့ သူတွေရဲ့ စာကို ဖတ်ရမယ်။ ဒါမှ ကိုယ်ရေးတဲ့စာဟာ ပုံတူ ကူးချတဲ့ ပုံစံမျိုး မဖြစ်တော့ဘဲ ပုံစံ ခွဲထွက်နိုင်ပါလိမ့်မယ်။ မဂ္ဂဇင်းတွေထဲမှာ လောလောဆယ် တစ်နှစ်၊ နှစ်နှစ်အတွင်း ကိုယ်ရေးမယ့် အကြောင်းအရာမျိုး မပါသေးဘူး ဆိုမှသာ ရေးသင့်တယ်။
ဖြစ်သင့်တာကတော့ လက်လှမ်းမီ ရာ စာကြည့်တိုက်က မဂ္ဂဇင်းတွေမှာ တစ်နှစ်စာ၊ နှစ်နှစ်စာလောက် ရှာဖတ် ကြည့်ပါ။ အဲဒီစာထဲမှာ ကိုယ်ရေးမယ့် အကြောင်းအရာ ခေါင်းစဉ်မျိုးမပါမှသာ ကိုယ်က ရေးသင့်တယ်။ ဒီလို ကိုယ်က မွှေနှောက် ရှာဖွေပြီးတော့ လေ့လာလို့ ဘယ်သူမှရေးတာ မတွေ့ရသေးရင် ကိုယ့်စိတ်က တော်တော်ပေါ့သွားပြီ။ ရေးဖို့ သေချာသွားပြီဆိုရင် နေ့စဉ်ထုတ် သတင်းစာတွေ ဖတ်ပါဦး။ သတင်းစာ ထဲမှာ ကိုယ်ရေးမယ့် အကြောင်းအရာနဲ့ ပတ်သက်တဲ့၊ အထောက်အကူပြုနိုင်တဲ့ အချက်အလက်တွေ ရနိုင်ပါတယ်။
(၅) မှတ်စုထုတ်ပါ။ စာရေးဖို့ ပြင် ဆင်နေတဲ့ ကာလ တစ်လျှောက်လုံး ကိုယ်က မှတ်စု ထုတ်တဲ့ အကျင့် ရှိရမယ်။ ကျွန်မဆိုရင် ခေါင်းထဲမှာ ပေါ်လာတဲ့ ၀ါကျတချို့၊ စာပိုဒ်တချို့ကို ရေးချထား တတ်တဲ့ အကျင့် ရှိပါတယ်။ တစ် ခါတလေ ခေါင်းစဉ်တွေတောင် ရေး ထားတတ်ပါတယ်။ ကျွန်မအကျင့်က မှတ်စုစာအုပ်တွေကို ကျွန်မအိမ်ရဲ့ အခန်းတိုင်းမှာ ထားတယ်။ ဒါမှလည်း ခေါင်းထဲမှာ ပေါ်လာလာချင်း ကောက်ရေးနိုင်မှာပေါ့။ ကားထဲမှာလည်း ရှိတယ်။ ရေးစရာပင်(န်)နဲ့ မှတ်စုစာအုပ် က အဆင်သင့်။ တစ်ခါတလေ ကားမောင်းနေရင်း စိတ်ကူး ရချင်ရလာ တတ်တာပဲ။ ကောက်ရေးထားရမယ်။ ဒီလို ရေးမထားလိုက်ရင် ပျောက်သွားတတ်ပါတယ်။ မှတ်စုတွေ အားလုံးကို ကျွန်မက စာမူကြမ်းဖိုင်ထဲမှာ ထည့်ထားပြီး လေ့လာလိုက်တဲ့ အခါမှာ ကျွန်မ ဘာရေးရမယ်၊ ဘယ်အချက် အလက်တွေကို သုံးရမယ်ဆိုတာ သေချာသွားတယ်။ မှတ်စု ထုတ်ထားတဲ့ အကျင့်က ကိုယ့်ကိုယ်ကိုယ် ယုံကြည်မှု အားလည်း တိုးပွားစေပါတယ်။
(၆) ခွဲခြားစိတ်ဖြာခြင်း။ စာတစ်ပုဒ် ရေးဖို့အတွက် လေ့လာမှုတွေ အများကြီး လုပ်ရပါမယ်။ ကိုယ်လေ့လာလို့ ရလာတဲ့ အချက်အလက်တွေထဲကမှ ဘယ်ဟာကိုတော့ ကိုယ်က အခြေခံယူ ပြီး တင်ပြမယ်ဆိုတာကို ဆုံးဖြတ်နိုင်ရမယ်။ ကိုယ့်တင်ပြမှုက တခြားလူတွေရဲ့ အယူအဆနဲ့ တူချင်မှ တူမယ်။ ဒါပေမယ့် ကိုယ့်ဘက်က အခြေခံထားတဲ့ အချက်က ကိုယ့်မှတ်စုတွေထဲမှာ အခိုင်အမာ ရှိနေတာပဲ။
(၇) အိပ်ခြင်း။ စာတစ်ပုဒ်ရေးတော့မယ် ဆိုရင် ဒါနဲ့ ပတ်သက်လို့ တစ်ချိန်လုံး စိတ်ဝင်စားမှု ရှိရမယ်။ အိပ်နေသည် ဖြစ်စေ၊ မအိပ်သည် ဖြစ်စေ၊ သိစိတ်မှာရော မသိစိတ်မှာပါ ကိုယ်ရေးမယ့် အကြောင်းအရာပေါ်မှာ စိတ်ဝင်စား နေရမယ်။ ဒီလို စိတ်ဝင်စားပြီဆိုရင် အိပ်ရာဘေးမှာ စာရွက်နဲ့ ခဲတံ ဆောင်ထားပါ။ တစ်ခါတလေ အိပ်နေရင်း စကားလုံး ရချင် ရမယ်။ ခေါင်းစဉ် ရချင် ရမယ်။ ဒီအခါ ထထိုင်ပြီး ကောက်ရေးလိုက်လို့ ရတာပေါ့။

စာစမရေးခင် ဒီလို ပြင်ဆင်မှုတွေ လုပ်ခြင်းက စာတကယ် ရေးတဲ့ အချိန်မှာ အချိန် ပိုရစေတာ တွေ့ရပါမယ်။ ဒါကြောင့် လူတွေကြားမှာ လေ့လာ နေတဲ့ အချိန်၊ မှတ်စုရေးချိန်၊ နားထောင်ချိန်၊ စကားပြောချိန်၊ ရေးရမယ့် အကြောင်း အရာအတွက် စိတ်ကူးနေချိန် အားလုံးဟာ အချိန်ဖြုန်း နေတာပဲလို့ မထင်လိုက်ပါနဲ့။ အဲဒါလည်း စာရေးနေခြင်းပါပဲ။
စာရေးချင်တယ်ဆိုသူများ ဆရာမ ပြောတဲ့ နည်းကို လက်တွေ့ သုံးကြည့် ခြင်းအားဖြင့် စာကောင်း တစ်ပုဒ် ဖန်တီး နိုင်ကြပါစေ။
ဝင်းငြိမ်း
၁၉၉၄ ခုနှစ်၊ ဒီဇင်ဘာလထုတ်၊ ရွှေအမြုတေ မဂ္ဂဇင်း၊ အမှတ် ၆၂တွင် ဖော်ပြပါရှိခဲ့သည့် ဆောင်းပါးကို ပြန်လည် ဖော်ပြပါသည်။

 

 

ဧရာဝတီသားလေး